طال غيابك

من طرف **Bashar** 9/7/2010, 6:31 am

أغنية رائعة من نوع غلم من الفن الليبي للفنان محمد حسن:

............
طال غيابك .. واجد رجيتك والرجاء ما جابك ... مازلت نرجا لين .طال اغيابك.

غيابك لامته .. وليش من حنانك ياعزيز حرمته
قلبى وما بعد الغياب رهنته ... لا جيتنى ولا قفلته بابه

وبين الرجاء والياس ليش رهنتا ... وغابن مراسيلك وغاب جوابك
ويا حب غالى للعيون رسمته .. مكتوب فب قلبى نشيل عدابه

نرقد بالجراح .. وماني من اللى بالبكاء نواح

وعدى راك مطلوق السراح....انكان هنتنى يلى عزيز عليا
تعد الغلا يابو عيون سماح .. مركب وخش الموج وان عشيه

دليله خبير ورايسه ملاح .. واصحاب خبرة والعزوم قوية
ويين ضلمت زال الضلام ولاح .. قمر ليلة 14 زاهر ضية
بات فى طرب فوق البحر وارتاح .. لاعند بانت نجمة الصبحية
صارع الموج وف النهاية راح ... هكى نعدوهن سنين الغية

وغدار تاريت البحر سفاح .. كيف الغلاء هلي بلا قسمية

كافبتنى بجمودك .. وقابلت حنيت الغلاء ييرودك
ونسيتنى وانا سقيتا عودك .... وبيدى زرعتك في وطا مروية

وكبرت واغصانك زهن بورودك .... وانا جنيت الشوك ياغاليا
ومازال عندى ما ثمر مردودك .. ومازلت ماسك فى الهواء بيديا

عطشان نسمع في هدير رعودك .. انكان جيتنى يامرحبا بالجية
ناديت ويبلغ الله مقصودك ... انكنك معاى من صميم النيه